TIRANË- Gjykata e Posaçme ka dënuar me dy vjet burg ish-kryetarin e bashkisë së Himarës, Jorgo Goron, për veprën penale të tjetërsimit të pronës në Livadh. Goro përfiton nga gjykimi i shkurtuar dhe dënimi i ulet në 1.4 vjet burg. Ish-kryebashkiakut i hiqet gjithashtu e drejta për të mbajtur funksione publike për 5 vjet.
Gjykata e Posaçme ka dënuar edhe Vasillaq Strakoshën me 1 vit e 6 muaj burg. Pas përfitimit nga gjykimi i shkurtuar, ai do të vuajë vetëm 1 vit heqje lirie. Dënimi me burg i është konvertuar në dy vjet shërbimi prove. Edhe për Strakoshën, gjykata vendosi ndalim për 5 vite nga funksionet publike.
Jorgo Goro u mor i pandehur për shpërdorim detyre në bashkëpunim me ish-drejtorin e tokës dhe menaxhimit të pronës të bashkisë Himarë Vasillaq Strakosha.
Ish-kryebashkiaku i Himarës, Jorgo Goro, u arrestua për shpërdorim detyre, kryer në bashkëpunim në lidhje me tjetërsimin e një sipërfaqeje toke, që gjendet në fshatin Gjilekë të Dhërmiut, të cilën Gjykata e Posaçme e ka nën sekuestro. Këto sipërfaqe prej rreth 10 mijë metra katror janë sekuestruar nga SPAK dhe si përfitues fundor kishin ish-deputetin Artan Gaçi. Goro u arrestua në mars të vitit të kaluar, pas kallëzimit te depozituar nga eurodeputeti Fredi Beleri.
