FIER- Detaje të reja kanë zbuluar fqinjët dhe të afërmit e 56-vjeçarit Anesti Rama i cili u vra nga vajza dhe bashkëshortja e tij. Rasti tronditi vendin ndërsa autoret e dyshuar kanë fajësuar viktimës se ai nuk i trajtonte mirë. Këto deklarata janë hedhur poshte edhe nga kunata e 56-vjeçarit. Kunata është shprehur se viktima edhe pse punonte nuk i merrte paratë pasi i tërhiqnin gruaja ose vajza e tij.
Sipas saj çifti ka patur probleme si çdo çift bashkëshortës ndërsa sa për vajzën ajo ka deklaruar se nuk e njeh. Një tjetër detaj është bërë me dije se viktima nuk i njihte paratë dhe se ai nuk kishte kurrë lekë në xhep edhe pse punonte. Kjo deklaratë e kunatës është e njëjtë me të një fqinji.
Ai u shpreh se viktima nuk dinte të shkruante dhe se paratë nga banka i tërhiqnin vajza dhe gruaja pasi kishin prokurë. Ai ka hedhur poshtë dëshmitë e vajzës e cila është shprehur se nuk i jepte para babai i saj.
“Kishin edhe probleme, se tani çifti ka probleme në shtëpi, por edhe çupën nuk e njoh aq mirë se unë kam qenë në Delvinë. Lekët që punonte, i kishin hedhur ata të punës a nuk e di, edhe me pasaportën e tyre venin merrnin lekët. Lekët ky nuk i merrte dot në dorë, se nuk i njihte lekët, vetëm se punonte, lekë në xhep ai nuk mori asnjëherë,” tha kunata.
