Pamje nga sherri mes disa personash në klubin e njohur në Palasë, “Lollipop” janë publikuar në rrjetet sociale. Siç shihet dhe dëgjohet nga pamjet në klub është ndaluar muzika dhe të pranishmit shohin të habitur se çfarë po ndodh.
Në video dëgjohen gotat që thyhen ndërsa djemtë e përfshirë në ngjarje përleshën me njëri- tjetrin. Të rinjtë që ndodhen në klubin e natës kanë tentuar të largohen me shpejtësi dhe janë plagosur duke u përplasur në tentativë për tu larguar nga telashet.
Shkaqet e këtij sherri ende nuk dihen por personat që kanë qenë të pranishëm në vendngjarje e kanë konfirmuar se janë përdorur armë. Policia ka konfirmuar se ka patur një sherr por në asnjë moment nuk e përmend se janë përdorur armë. Policia e Vlorës shtoi se një persona ka mbetur i plagosur lehtë teksa po largohej nga vendngjarja. I plagosuri nuk është pjesë e ngjarjes.
