ANGLI- 28-vjeçari shqiptar, Dorian Puka është rikthyer sërish në qendër të vëmendjes së mediave britanike për shkak të veprimeve të tij “provokuese”. Puka është një shqiptar problematik për autoritetet britanike me dënime për vjedhje. Ai gjithashtu është deportuar disa herë nga Britania por ka gjetur mënyrë për tu rikthyer në vend ndërsa nuk e fsheh aspak sesi lëviz lirshëm në Angli.
Kësaj here ai ka tërhequr vëmendje me personalizimin e një targe për mjetin e tij i cili kushton 80 mijë paund. “The Telegraph” duket se është në “ndjekje” të shqiptarit teksa vëzhgon lëvizjet e tij të cilat i cilëson si një ngacmin nga ana e të riut për ministrinë e Brendshme.
Publikimi i një videoje nga Puka i cili heq letrën e targës së re të personalizuar nga mjeti i tij luksoz i ka rezervuar atij një tjetër artikull nga media britanike. “The Telegraph” më tej ka parë postimet e të riut shqiptar teksa shkruan se Puka në TikTok ka shpërndarë një video duke ngarë makinën përmes Londrës në autostradën M25 drejt kryqëzimit me autostradën M40 për në Oksford.
“Është tallja e tij e fundit sfiduese ndaj zyrtarëve të Ministrisë së Brendshme, të cilët janë të pafuqishëm ta deportojnë atë sepse ai ka kërkuar azil. Ai nuk mund të largohet derisa çështja e tij të shqyrtohet plotësisht – një proces që mund të zgjasë muaj ose vite, duke pasur parasysh numrin e madh të apelimeve në gjykatën e imigracionit,” shkruan media britanike.
28-vjeçari për herë të parë është arrestuar në vitin 2016 ku vuajti një dënim prej 9 muajsh. Në 2017 ai u depërtua pasi u kap në tentativë për të hyrë me forcë në një pronë. Ishte pronari i banesës i cili e pa nga kamerat e sigurisë edhe pse ndodhej me pushime në Francë.
Pas kësaj ngjarje ai arriti t’i shmangej kontrolleve kufitare dhe të kthehej në Mbretërinë e Bashkuar, ku kreu një sërë vjedhjesh me thyerje në Londër. Puka u kap përfundimisht duke mbajtur një orë të shtrenjtë që e kishte vjedhur kur u vu re nga oficerë civilë që patrullonin Surbiton në jugperëndim të Londrës. Ai u burgos për tre vjet e gjysmë dhe më pas u deportua në mars të vitit 2020.
Gjatë kohës që qëndroi në burg në Mbretërinë e Bashkuar, ai fitoi famë “të keqe” për përdorimin e një telefoni celular të futur kontrabandë në burg për të postuar në Instagram foto të vetes duke qëndruar pranë udhëheqësit të një grupi të krimit të organizuar, i cili po vuante një dënim me 12 vjet burg për komplot për furnizim me kokainë dhe pastrim parash.
Pasi u kthye në vendlindjen e tij, Shqipëri, për disa muaj, ai udhëtoi nëpër Gjermani, Belgjikë dhe Holandë përpara se të kalonte kontrollet kufitare për të hyrë përsëri në Britani në dhjetor 2020, sipas llogarisë së tij në Instagram.
Tre muaj më parë, ai postoi një seri videosh të vetes duke drejtuar një Ferrari me vlerë 300,000 £ në Londër në llogaritë e tij në TikTok dhe Instagram, si dhe imazhe të vetes me dhjetëra orë Rolex dhe makina të tjera të shtrenjta.
Puka mori vëmendje gjithashtu pasi replikave që pati me Nigel Farage duke postuar një fotografi të tij duke ngrënë dhe pirë, së bashku me një imazh të përpunuar në Photoshop të udhëheqësit të partisë Reformiste që bën një shenjë miratimi.
Farage e kishte përshkruar atë si një “njeri të gabuar” i cili po “ecte kudo” nëpër autoritetet e Mbretërisë së Bashkuar. Burimet e financimit të shqiptarit mbeten të panjohura, por raportet sugjerojnë se ai ka qëndruar në një apartament me dy dhoma gjumi me vlerë 250,000 paund në Hounsloë, në perëndim të Londrës. Një zëdhënës i Ministrisë së Brendshme tha se shtetasit e huaj që kryejnë krime nuk duhet të kenë asnjë dyshim se ligji do të zbatohet.
