ITALI- Dy javë pasi u shpall e zhdukur fati tragjik i Erika Ferini Strambi mori përgjigje. Një fermer zbuloi mjetin e saj të rënë në një kanal teksa trupi i saj disa metra më tutje. Viktima natën e 5 korrikut ishte me disa miq në një klub në Segrate, dhe më pas kishte mbetur vetëm pasi kishte errësuar. Por kamerat e sigurisë kapqn momentin kur ajo qarkullonte përgjatë rrugëve provinciale që rrethojnë fshatin midis Aeroportit të Linate dhe Parkut Muzza.
Disa orë më vonë telefoni i saj u fik dhe fati i saj prej dy javësh nuk dihej. Ishte një fermer i cili pa mjetin e përplasur në një kanal rreth orës 14:00. Trupi i 53-vjeçares u gjet disa metra më larg. Pranë saj ishin dy patericat që përdorte për të lëvizur për shkak të një aftësie të kufizuar që kishte pasur që nga lindja. Ajo ishte pothuajse 200 metra larg makinës, në anën e kundërt të një fushe të kultivuar. Ajo kishte qenë e vdekur prej ditësh, pothuajse me siguri që nga nata kur u zhduk.
Hetuesit nuk gjetën çantën e saj që përmbante dokumentet e saj ose telefonin celular. Dyshimet janë shtuar edhe nga pozicioni i trupit të gruas e cila ishte shtrirë në shpinë. Një pistë është edhe një takim me një burrë misterioz.
Karabinierët kanë mbledhur gjurmë gishtash në dyert e makinave, ndërsa analiza më të thelluara do të kryhen brenda. Kërkimet po vazhdojnë gjithashtu në fusha, me shpresën për të gjetur çantën, dokumentet ose telefonin e saj. Miqtë dhe kolegët ishin mobilizuar pas zhdukjes së saj.
