SHBA- Pamjaftueshmëria kronike venoze, me të cilën u diagnostikua Presidenti i SHBA-së Donald Trump, është një nga sëmundjet më të zakonshme në botën perëndimore dhe vlerësohet se prek afërsisht 10-20% të burrave dhe 30-40% të grave. Sipas The Guardian është një gjendje mjaft e zakonshme tek të rriturit e moshuar.
Por çfarë është pamjaftueshmëria kronike venoze?
Është një gjendje në të cilën venat në këmbë nuk mund ta transportojnë siç duhet gjakun në zemër, duke rezultuar në grumbullimin e gjakut në gjymtyrët e poshtme. Simptomat, përveç ënjtjes rreth këmbëve dhe kyçeve të këmbëve, mund të përfshijnë dhimbje në këmbë, ndjesi shpimi gjilpërash (mpirje) dhe shfaqjen e venave me variçe. Rastet e rënda mund të shkaktojnë plagë në këmbë, të njohura si ulçera.
Të cenueshëm janë ata që janë të ekspozuar ndaj qëndrimit në këmbë ose që bëjnë një jetë sedentare.
gjithashtu është veçanërisht sfiduese për njerëzit që ose bëjnë një mënyrë jetese sedentare ose u kërkohet të qëndrojnë në këmbë për orë të gjata. Venat në këmbë kanë valvola që e detyrojnë gjakun të ndjekë një rrjedhë specifike, duke e penguar atë të qarkullojë në drejtimin e kundërt.
Çdo gjë që dëmton këto valvola mund të çojë në pamjaftueshmëri kronike venoze. Faktorët e rrezikut mund të përfshijnë mpiksjen e gjakut, flebitin ose mbipeshën. Ndër masat që duhen marrë janë veshja e çorapeve kompresive, ngritja e këmbëve dhe arritja e një peshe të shëndetshme. Rekomandohen edhe ushtrimet fizike, veçanërisht ecja, sepse muskujt e fortë të këmbëve mund t’i kompresojnë venat në një mënyrë që i ndihmon ato të pompojnë gjak.
