BERAT- Kryeministri Edi Rama gjatë fjalës së tij në takim me përfaqësues të start up-eve në Berat ka folur në lidhje me prishjen e objekteve në Theth. Rama iu përgjigj pyetjeve që shumë qytetarë e kanë ngritur se përse i shkatërruan objektet dhe se ku ka qenë ai kur u ndërtuan.
Ai u shpreh se zinxhiri nuk ka funskionuar. Sipas tij rastet janë dërguar në Prokurori po prokurorja është shprehur se s’ka asnjë problem. Kryeministri më tej vurit theksin duke u shprehur se koha për të ndërtuar një administratë si në vendet lidere të BE.
“Detyrimisht përgjigjia bëhët e vështirë sepse ata që duhet t’i shikonin, nuk kanë bërë gjënë e duhur dhe zinxhiri nuk ka funkionuar sepse një strukturë e ka çuar në Prokurori. Prokurorja ka thënë këtu s’ka probleme etj. Kjo do të thotë që koha për të ndërtuar një administratë si në vendet lidere të BE, ka qenë krejtësisht e pamjaftueshme. Se u bë në Shqipëri shumë zhurmë për një raport të auditit të brendshëm të BE për fondet e bujqësisë, mirëpo ajo që shohim sot me një tjetër vend të BE, nga i njëjti audit, është më e frikshme se sa çfarë doli nga auditi i Shqipërisë.
Ai audit ka pranuar se në vendet e BE problematikat me fondet e bujqësisë mbeten reale sepse është njeriu në mes. Teknologjia këtu mund të na ndihmojë jashtëzakonisht. Ne kemi agjencinë e gjeo-referencave, ne kemi dronët që i kemi marrë për të kontrolluar vendin tonë, kemi satelitët, por na mungon një sistem funksional informacioni që të përpunojmë në kohë reale dhe nuk ka më nevojë as të kesh inspektorë”, u shpreh Rama.
