Zbulohet identiteti i dy personave të mbetur të plagosur pasdreken e kësaj të enjteje në Sarandë. Ata janë Ernest Lama, 24 vjeç, dhe Gëzim Hajdaraj, 32 vjeç.
Policia tha se ngjarja ndodhi rreth orës 15:00, në lagjen nr. 4, Sarandë, por rrethanat mbeten ende të paqarta.
Pas ndihmës së parë mjekësore në spitalin e Sarandës, do të dërgohen drejt spitalit të Traumës, Tiranë, për mjekim të specializuar.
Grupi hetimor, nën drejtimin e Prokurorisë Sarandë, po vijon punën për identifikimin e autorit, zbardhjen e rrethanave dhe dokumentimin e plotë ligjor të kësaj ngjarjeje.
