MAT- Detaje të reja vijojnë të dalin nga vrasja e 23-vjeçarit Renis Dobra. Së fundmi janë publikuar edhe foto e dy prej makinave me qira që kanë përdorur autorët e dyshuar për vrasjen e të riut në Mat. Bëhet me dije se tre vëllezërit Bushgjokaj disa ditë para kryerjes se krimit kanë marrë disa makina me qira në Rinas dhe Yzberisht.
Gjithashtu raportohet se vëllezërit i kanë ndërruar makinat disa herë për të humbur gjurmët. Po ashtu ata kanë tentuar t’i hiqnin GPS për të zhdukur gjurmët Ata fillimisht kanë bërë vëzhgimin e lëvizjeve të Renis Dobrës në Burrel për rreth tre ditë, deri mbrëmjen e 8 korrikut kur e morën peng dhe pasi e mbytën me litar dhe e hodhën në Liqenin e Shkopetit.
