TIRANË- Dy nga autorët e vrasjes së 22-vjeçarit, Renis Dobra janë vënë në pranga. Në pranga kanë rënë Petrit Çakrri, i cili është kapur në Lekbibaj të Tropojës edhe Fatjon Bushgjoka i cili u arrestua në Tiranë. Në lidhje me ngjarjen e rëndë të regjistruar në Madhesh të Ulzës janë shpallur në kërkim edhe dy persona.
Si ndodhi ngjarja
Babai i Renisit, kallzoi në komisariat pasi nuk ka mundur të lidhet me të birin për disa orë. Menjëherë pas kallëzmit në komisariat efektivët nisën kërkimet. Pas disa orëve kërkime u bë me dije se trupi i 23-vjeçarit Renis Dobra u gjet pranë liqenit të Shkopetit, në fshatin Madhesh të Matit. Automjeti me të cilin i riu kishte dalë nga shtëpia kishte rënë në ujë. Një grup i posaçëm hetimor në drejtimin e Prokurorisë po heton për një vrasje të mundshme, pasi në trupin e të ndjerit u gjetën gjurmë të mbytjes me litar, pasi ka shenja të dukshme në qafë.
