Beshiktashi do të ketë ndryshime të mëdha për këtë edicion. “Fantatik” raporton se tre lojtarë janë informuar për t’u larguar, ndërsa edhe Ernest Muçi mbetet në merkato.
Al Musrati, Zainutdinov dhe Onana nuk janë pjesë e llogarive për edicionin e ardhshëm. Në anën tjetër, situata me Muçin është ndryshe.
Për sulmuesin e Kombëtares janë paguar 10 milionë euro te Legia e Varshavës. Megjithatë, edhe ai do të largohet nëse do të mbërrijë oferta e duhur.
Te Beshiktashi situata nuk ka qenë më e mira e mundshme në sezonin e kaluar. Për këtë klubi turk vazhdon të mendojë ndryshime.
