THETH- Dosja ka siguruar momentin kur ura prej druri në Theth qëllohet me molotov nga banorët në Theth. Siç shihet në pamjet e mëposhtme, molotovi ka bërë disa dëme në këtë urë.
Ndërkohë që në këtë moment, të gjitha strukturat e policisë janë vënë në lëvizje. Të armatosur deri në dhëmbë me armë, efektivët po kontrollojnë zonën.
Çfarë po ndodh në Theth?
Në Theth ka nisur një perplasje mes autoriteteve policore dhe banorëve të zonës, për shkak të urdhërit të kryeministrit Rama për prishjen e ndërtimeve pa leje. Banorët kanë kundërshtuar këtë urdhër, duke kërkuar dialog mes tyre dhe shtyrje të afatit deri në përfundim të sezonit turistik. Por këto kërkesa të banorëve, duket se kanë rënë në vesh të shurdhët, pasi IKMT po vijon me shembjen e strukturave pa leje. Në këto kushte, banorët në shenjë proteste kanë paralajmëruar se do të mbyllin fare bujtinat.
