Kreu i qeverisë, Edi Rama ka zhvilluar ditën e sotme një takim me kryebashkiakët e vendit. Në fokus të takimit janë sfidat aktuale të qeverisjes vendore dhe identifikimi i zgjidhjeve konkrete në përputhje me prioritetet kombëtare dhe standardet europiane.
Pas dorëheqjeve masive në Vlorë dhe Durrës, të drejtorëve të bashkive, kreu i qeverisë i kërkoi sot bashkisë së Lushnjës dhe Elbasanit të bëjnë të njëjtën gjë.
Ai theksoi se 83 mandatet e marra në zgjedhjet e 11 majit janë përgjegjësi e shtuar karshi qytetarëve dhe jo aryse për të fjetur gjumë.
Rama: Kryetari i bashkisë dhet të ketë dijeni për çdo tullë që vihet në qytet. Nëse kryetari i bashkisë i ka sytë gjysmë të hapur dhe gjysmë të mbyllur, ata që janë nën të i kanë sytë të mbyllur, siç i kishin në bashkinë e Vlorës. Edhe në Bashkinë e Elbasanit, edhe në atë të Lushnjës, duhet bërë e njëjta gjë si në bashkitë ku deri tani është bërë pezullimi i plotë, shkarkimi i të gjithë drejtorëve. Duhet shkundur e gjithë kjo pemë, sepse 10 mandate në Elbasan janë një barrë që mua më ka marrë edhe ato orë që unë flija gjumë. Nuk jemi më të fortë, me 83 mandate, jemi më të ekspozuar karshi përgjegjësisë dhe njerëzve që na i kanë dhënë këto mandate të cilët presin 10-fishin nga ne. Po çfarë do t’i japësh ti Elbasanit nëse e lë barin në varreza? Mund të gjejmë justifikime, por s’kanë asnjë vlerë.
Rama kërkoi që të shkarkohen të gjithë kryetarët e njësive administrative në të gjithë vendin. Afati i fundit është dita e hënë.
Rama: Kryetarët e njësive administrative të Republikës së Shqipërisë të gjithnjë duhet të shkarkohen. Deri ditën e hënë të gjithë kryetarët të jenë shkarkuar.
