Pas ultimatumit të kryeministrit Edi Rama, pas dorëheqjeve në Bashkinë e Vlorës, valë dorëheqjesh ka pasur edhe në Bashkinë e Durrësit.
Të gjithë drejtorët e bashkisë një ditë më parë kanë paraqitur dorëheqjet e tyre të kryetarja e bashkisë, Emirjana Sako.
Po ashtu të tjerë zyrtarë të administratës kanë dhënë dorëheqjen.
Kryeministri e ka nisur këtë aksion në Vlorë, ku shprehu pakënaqësi në lidhje me menaxhimin dhe punën duke cekur problematikat me ujin e pijshëm, parkimet, zënien e hapësirave publike, plehrat etj.
Rama theksoi se Vlora ishte vetëm fillimi dhe se aksioni do të shtrihet edhe në të tjera bashki.
