PORTUGALI – Sipas mediave portugeze, Arsenali ka arritur një marrëveshje me Sportingun për Viktor Gyokeres. Sulmuesi suedez, i cili vjen pas dy sezoneve të jashtëzakonshme në Portugali, është gati të kthehet në Angli, ku luajti në Championship me Coventry City.
Një marrëveshje është arritur midis klubeve për një shifër totale prej 80 milionë eurosh, me Gyokeres i cili po insistonte të largohej nga Lisbona dhe kishte arritur një marrëveshje me Arsenalin për javë të tëra. Ardhja e suedezit i jep Artetës një finalizues të jashtëzakonshëm në një ekip që ka pasur probleme të mëdha në aspektin e shënimit.
Vitin e kaluar, golashënuesi më i mirë i “Topçinjve” në Premier League ishte Kai Havertz, i cili shënoi nëntë gola në ligë. Këto shifra janë të pakta në krahasim me ato të Gyokeres, i cili shënoi 97 gola në dy vjet te Sporting, 54 vetëm sezonin e kaluar.
