TIRANË- Në kryeqytet ka nisur aksioni për lirimin e hapësirave publike të cilat janë zënë nga bizneset. Në aksion janë duke bashkëpunuar policia dhe policia bashkiake, IMT dhe IKMT-ja. Ky aksion vjen pas ultimatumit të kryeministrit Edi Rama i cili u shpreh se nuk ka më “tokë të xanun”.
Aksioni ka nisur në zonat te Bulevardi “Zogu i Parë”, Pazari i Ri, zona pas Muzeut Kombëtar, si dhe pranë një kompleksi afër zonës së njohur si ’21 Dhjetori’. Ministri i Brendshëm, Ervin Hoxha është takuar me pronarët e bizneseve ndërsa u ka shpjeguar sesi po funksionon aksioni. Gjatë takimit një nga biznesmenët u shpreh se është dakord me rikthim e zonave publike në shërbim të qytetarëve sidomos ka bizneset që kanë zaptuar vendin.
Ai më tej shtoi se në biznesin e tij prej 5 vitesh ka marrë leje që para se firma kontraktore ti dorëzonte subjektin. Biznesmeni tha se gjithasht se prej 5 vitesh paguan taksa. Ministri iu përgjigj se çdo biznes do të verifikohet dhe do të shihen dokumentet.
Komente të shumta ka patur edhe nga qytetarët në rrjetin social të ministrit, ndërsa ka patur nga ata që kanë shprehur shqetësime të tjera që janë më të rëndësishme sipas tyre siç pastërtia e qytetit dhe heqja e mbeturinave. Kishte edhe komentues që shpreheshin që e kanë katandisur policinë si leckë dhe e përdorin për çdo gjë.
https://www.facebook.com/plugins/video.php?height=314&href=https%3A%2F%2Fwww.facebook.com%2F61563507163838%2Fvideos%2F660700940318154%2F&show_text=false&width=560&t=0
