TIRANA- Kryeministri Edi Rama ka bërë një reagim në rrjetet sociale në lidhjen me temën me të lakuar nga ai të momentin, për lirimin e hapësirave publike. Rama shkruan në profilin e tij në “X” se një situatë klasike “toke e xanun” paraqitet në Tiranë, te 21 Dhjetori.
Ai thekson se kush nuk do t’i tërheqë vetë nga hapësira publike e përbashkët që nga tavolinat dhe frigoriferët në trotuarë e deri tek muret apo trarët e “doganave” rreth pallateve, do të ballafaqohet jo vetëm me gjobat përkatëse po edhe me ndjekjet përkatëse penale për shkatërrim të pronës publike, cënim të shëndetit e sigurisë fizike së qytetarëve dhe me radhë.
Rama shkruan se është koha për t’u bërë bashkë që të gjithë në emër të bashkëjetesës në të njëjtën lagje, ku shumica merr mbrapsht atë që i takon dhe pakica kthen mbrapsht atë që nuk i takon.
POSTIMI:
Situatë klasike “toke të xanun” në Tiranë, tek 21 Dhjetori – kush nuk do t’i tërheqë vetë nga hapësira publike e përbashkët barrikadat që u ka ngritur njerëzve me gjithëfarësoj objektesh, që nga tavolinat dhe frigoriferët në trotuarë e deri tek muret apo trarët e “doganave” rreth pallateve, do të ballafaqohet jo vetëm me gjobat përkatëse po edhe me ndjekjet përkatëse penale për shkatërrim të pronës publike, cënim të shëndetit e sigurisë fizike së qytetarëve dhe me radhë… Koha për t’u bërë bashkë që të gjithë në emër të bashkëjetesës në të njëjtën lagje; shumica duke marrë mbrapsht atë që i takon dhe pakica duke kthyer mbrapsht atë që nuk i takon!
