TIRANË- Kryeministri Edi Rama sot feston ditëlindjen e tij të 61-të. Edhe pse ka ditëlindjen ai ka vijuar me takimet dhe është fotografuar me bllok në dorë teksa futej në selinë e PS. Ai është surprizuar me një tufë me karafila të kuq.
Ai ka vijuar me takimet ndërsa mësohet se ai do të zhvillojë mbledhje me drejtuesit e zgjedhur të qarkut të Tiranës. Dje ai mblodhi në një takim deputetët si dhe përfaqësues të bashkisë së Tiranës. Gjatë takimit Rama u kërkoi që të jenë më shumë të pranishëm në terren për evidentimin e problematikave dhe koordinimin me pushtetin vendor, me strukturat e bashkisë për gjetjen e zgjidhjeve.
