VLORË- Kryeministri Edi Rama ka mbërritur pak më herët në bashkinë e Vlorës. Me bllok në dorë, Rama shihet i shoqëruar nga ministri Arbjan Mazniku dhe kryebashkiaku i Vlorës, Ermal Dredha.
Sipas raportimeve, kreu i qeverisë do të zhvillojë takim më stafin e bashkisë dhe deputetët e ish-deputetët e këtij qarku. Diskutimet kryesorë do të jenë mbi problematikat e qytetit dhe sfidat e qeverisjes vendore.
Vlora është përballur disa herë me problematika që prej nisjes së sezonit, ku më kritikja ishte zjarri që ka përfshirë disa herë fushën e mbetjeve në qytet.
Ndërkohë, pak ditë më parë në festën e 34-vjetorit të Partisë Socialiste, kamerat fiksuan një bisedë të tensionuar mes kreut të qeverisë dhe kryebashkiakut të Vlorës, Ermal Dredha.
