FIER- Një aksion është zhvilluar mesditën e sotme në zyrat qëndrore të kompanisë “Bankers Petroleum” në Fier, e cila operon në fushën naftënxjerrëse.
Mësohet se në këtë aksion janë parë furgonë policie, automjete të Tatimeve dhe njerëz me dokumente pikërisht në zyrat qendrore të Bankers Petroleum në Marinëz të Fierit. Sipas informacioneve paraprake, ky kontroll dyshohet të ketë lidhje me një borxh që kompania i ka shtetit.
“Bankers Petroleum” është akuzuar në të kaluarën nga Drejtoria e Tatimeve se nuk ka likujduar detyrimet fiskale si dhe për ndotjen që shkakton në zonë si rezultat i aktivitetit të kompanisë.
