ITALI- Disa ditë pas vrasjes së 25-vjeçarit Rivaldo Rusi është vënë në pranga bashkëpunëtori i tij. 28-vjeçari, Xhulajn Kurti besohet se është një nga tre personat përgjegjës që tentoi të vidhte biznesmenin italian e cila më pas përfundoi në vrasjen e Rusit.
Ai është urdhëruar të mbahet në burg. Kurti akuzohet për disa vepra penale ndër të cilattentativë vjedhjeje, grabitje dhe posedim i paligjshëm i armës së zjarrit. 28-vjeçari u identifikua si një nga bashkëpunëtorët e Rivaldo Rusit. Anëtari i tretë i bandës është ende në kërkim.
Autori, Aurelio Valiante dhe familja e tij u transferuan në një vend të mbrojtur pas ngjarjes. Nuk është bërë arrestim ndaj sipërmarrësit, i cili për momentin është nën hetim për vrasje dhe fshehje të një kufome. Sipas rindërtimit të ngjarjes, tre shqiptarët kishin hyrë natën në një shtëpi private në Foria di Centola, për të kryer një vjedhje. Pronari i asaj shtëpie në fillim ishte palë e dëmtuar.
Pastaj ata shkuan në shtëpinë e Valiantes, i cili, duke dëgjuar zhurmat në oborr, doli me një pushkë. Me të parë hajdutët që po iknin, ai i urdhëroi të ndalonin. Në atë moment, njëri nga hajdutët kishte qëlluar disa herë me armë zjarri, duke e detyruar pronarin të reagonte. Kurti u u plagos, ndërsa një plumb i dytë vrau Rusin.
Trupi i tij është gjetur i varrosur pranë fushës sportive në zonën San Severino, pas rrëfimit të pronarit 60-vjeçar të banesës që u tentua të grabitej. Ai i shoqëruar nga avokati, është paraqitur këtë mëngjes në Prokurori, në gjendje të rënduar emocionale, ku ka rrëfyer vrasjen dhe vendin ku kishte fshehur trupin.
Gjatë një dëshmie të gjatë, ai ka treguar se kishte qëlluar mbi të riun pas përplasjes me grabitësit, dhe më pas kishte transportuar trupin në një truall që i përkiste vëllait të tij, ku e kishte varrosur.
Një autopsi u krye mbi trupin e Rivaldo Rusit. Rezultatet e autopsisë, që priten në ditët në vijim, do të jenë thelbësore për të sqaruar shkaqet e vërteta të vdekjes dhe për të konfirmuar dinamikën e fakteve. Hetimet po vazhdojnë gjithashtu për të gjurmuar bashkëpunëtorin e tretë që është ende në arrati dhe për të rindërtuar të gjithë historinë në detaje.
