Vijon procesi i rinumërimit për Qarkun e FIerit, ku sa i përket subjekteve politike, KQZ ka përditësuar rezultatin për 361 kuti nga 557 në total.
Deri më tani, sa u përket dy subjekteve politike kryesore, Partisë Demokratike i janë hequr 142 vota, ndërsa Partisë Socialiste i janë shtuar 63 vota. Ndërkohë, sa i përket koalicionit “Nisma Shqipëria Bëhet”, e cila pretendon një mandat, deri më tani i janë hequr 6 vota.
Me këtë ritëm, duket se rezultati për numër mandatesh do të ngelet i njëjtë si më 11 Maj, 12 me 4 në favor të socialistëve dhe zero mandate për partitë e tjera.
Sa u përket votave preferenciale, deri më tani KQZ ka përditësuar rezultatin për 345 kuti nga 587 në total, ku kandidatja e PD-së, Silva Hasaj rezulton “e fryrë” me qindra vota të paqena.
Deri më tani kandidates demokrate i janë hequr 626 vota nga rezultati i 11 Majit, ndërsa pas saj vjen Gentian Çela, të cilit i janë hequr me 216 vota.
Duket se ata i kishin ngrënë “hakun” kandidatëve të tjerë të PD-së, pasi deri më tani, Ledion Çalas i janë shtuar 116 vota, Pelivan Bufit 73 vot, Ardian Feros 53 vota, Arben Çukos 50 vota, Suzana Numanit 36 vota, etj.
Sa u përket socialistëve, “namin” me vota fiktive duket se e ka bërë Ceno Klosi, të cilit deri më tani i janë hequr 892 vota, ndërsa kandidatit të cilit i janë shtuar më shumë është Klevis Jahaj me 375 vota.
