SHBA- Shtëpia e Bardhë postoi në rrjetet sociale një video të udhëtimit të Presidentit Donald Trump në Samitin e NATO-s në Hagë. Megjithatë, ajo që tërhoqi më shumë vëmendjen ishte kënga e vendosur në sfond. Shtëpia e Bardhë kishte vendosur këngën “Hey Daddy” nga Usher.
Kjo video “tallëse” duket se i referohet deklaratave të Sekretarit të Përgjithshëm të NATO-s Mark Rutte, i cili dje e krahasoi Trump me një “baba” që ndërhyn në një sherr midis fëmijëve në oborrin e një shkolle, pasi Trump përdori gjuhë vulgare për luftën midis Izraelit dhe Iranit.
Mark Rutte, në konferencën e tyre të përbashkët për shtyp, duke iu referuar komentit të Trump dhe deklaratës së tij të mëparshme publike ku ai përdori gjuhë të ashpër, tha: “Dhe pastaj, babi ndonjëherë duhet të përdorë gjuhë të ashpër për t’i ndaluar ata”.
Trump u përgjigj: “Duhet të përdorësh gjuhë të ashpër – ndonjëherë duhet të thuash një fjalë specifike.”
