TIRANË- SPAK paraqiti ditën e sotme pretencën ndaj shtatë të akuzuarve të dosjes “Metamorfoza”. Gjithashtu janë zbardhur edhe akuzat për secilin të pandehur, ku i pari kryeson Behar Bajroviq, si kreu i grupit te strukturuar kriminal dhe per te kerkohet denimi me 15 vite burg. Po ashtu edhe biznesmeni, investitor strategjik, Pellumb Gjoka sipas pretences se prokurorise duhet te denohet me 14 vite burg.
Pretenca e SPAK
Behar (BAJRI) Brajoviq- Të dënohet me 15 vjet burg. Të vuaj dënimin në një burg i sigurisë së lartë. Akuzohet si Drejtues i grupit kriminal. Ka siguruar kushteve për veprat penale! Akuzohet për grup i strukturuar kriminal dhe korrupsion me zyrtarë të drejtësisë. Prokuroria kërkon konfiskimin e makinës BMW. Po ashtu ti kthehen sendet personale
Pëllumb Gjoka-14 vjet burgim, në një burg i sigurisë së lartë. Sipas Prokurorisë ka siguruar kushtet për vrasje! Akuzohet për armëmbajtje pa leje dhe grup të strukturuar kriminal. Po ashtu për veprat penale; “Korrupsion aktiv i funksionareve”
Edmond Preka -të dënohet me 11 vjet burgim! Akuzohet për sigurimin e kushteve për vrasje dhe armëmbajtje paleje. Prokuroria kërkon konfiskimin e 3 automjete: Mercedes, G Class, C Class.
Astmer Bilali- të dënohet me 10 vite burgim. Akuzohet për sigurimin e kushteve për vrasje. Akuzohet si pjesë e një grupi të strukturuar kriminal. Kërkohet ti konfiskohen pajisje celulare.
Ardit Hasanbegaj- të dënohet me 9 vite burgim. Akuzohet për sigurimin e kushteve për vrasje! Akuzohet si pjesë e grupit të strukturuar kriminal! Kërkohet ti konfiskohen pajisje celulare, fishekë.
Xhevahir Lita– kërkohet 6 vite burgim. Akuzohet për korrupsion aktiv dhe Korrupsion pasiv. I konfiskohen pajisje celulare dhe armë.
Oltian Bistri – kërkohet dënimi me 9 vite burgim. Akuzohet për korrupsion pasiv dhe zbulimi i akteve te dhënave sekrete. Po ashtu për pastrim i produkteve! I konfiskohen pajisje celulare. Heqja e sekuestros së pasurisë së paluajtshme dhe në këmbim konfiskimi i parave 1 milion e 300 €.
