TIRANA- Procesi i rinumërimit të votave vijon në qarkun e Tiranës teksa ditën e sotme ka rënë në sy një fletë e pavlefshme ku një votues duke se ka shprehur pakënqësinë e tij për politikën aktuale.
“Asnjë nuk më bind! Politikë pa vlera, pa norma”, ka shkruar votuesi mbi fletë.
Çfarë po ndodh me procesin e rinumërimit në Tiranë?
Kandidati socialist Ervin Hoxha ka 257 vota më shumë gjithashtu edhe Fatmir Xhafaj rezulton me 127 vota më shumë në procesverbalë se sa kishin në kutinë e votimit. Po kështu edhe Erion Braçe me 76 vota më shumë. Olta Xhaçka me 47 vota më shumë vijon të mbajë mandatin e deputetes ndërsa Blerina Gjylameti rezulton me 5 vota.
Kandidati demokrat Ilir Alimehmeti deri më tani nga rinumërimi, në procesverbal rezulton të ketë 100 vota më shumë se çfarë kishte realisht në kuti. Ai rezulton me numrin më të madh të votave të padrejta nga lista e opozitës. Gjithashtu më shumë vota në procesverbal ka edhe kreu i PL-së Ilir Metaj, konkretisht me 51 të tilla. Demokratja Jorida Tabaku ka 74 vota më shumë në procesverbal, sesa në kuti.
Procesi i rinumërimit, i cili nis më 11 qershor, zhvillohet në pallatin e sportit “Farie Hoti” në Tiranë dhe në të do të angazhohen 24 grupe numërimi. Vendimi për hapjen e kutive dhe rinumërimin e votave u mor nga KAS pas kërkesës së dy anëtarëve të tij që mbështetën kërkesat e opozitës.
