Një 48-vjeçar është arrestuar këtë të hënë në Kuçovë, pasi është kapur në flagrancë me doza kanabisi gati për shitje.
Sipas uniformave blu, shtetasi me iniciale A.Xh., i kishte fshehur dozat më lëndë narkotike në një tunel afër një pallati, në rrugën “Dalip Zavalani”.
“U kap në flagrancë, me doza kanabisi të gatshme për shitje, vihet në pranga 48-vjeçari.
Zbulohet vendi ku 48-vjeçari fshihte dozat.
Si rezultat i kontrolleve të kryera bazuar në informacionet e siguruara në rrugë operative, shërbimet e Komisariatit të Policisë Nr. 1 kanë evidentuar dhe goditur një tjetër rast të veprimtarisë kriminale të shitjes së lëndëve narkotike, në doza.
Për këtë rast nga specialistët e Seksionit të Narkotikëve u vu në pranga autori i dyshuar, shtetasi A. Xh., 48 vjeç, banues në Kuçovë, i cili u kap në flagrancë me doza kanabisi të gatshme për shitje.
Shërbimet e Policisë, në vijim të kontrolleve, në një tunel afër një pallati, në rrugën “Dalip Zavalani”, kanë gjetur doza kanabisi të gatshme për shitje, të cilat dyshohet se i kishte fshehur ky shtetas.
Dozat u sekuestruan në cilësinë e provës materiale.
Materialet procedurale i kaluan Prokurorisë së Tiranës, për veprime të mëtejshme“, thuhet në njoftimin e policisë.
