SHBA– Presidenti amerikan, Donald Trump, të dielën shtroi çështjen e mundësisë për ndryshimin e regjimit në Iran, pas sulmeve të fundjavës nga ushtria amerikane ndaj caqeve ushtarake kyçe iraniane.
“Nuk është politikisht korrekte të përdorësh termin ‘ndërrim regjimi’, por nëse regjimi aktual iranian nuk është në gjendje TA BËJË IRANIN MADHËSHTOR SËRISH, atëherë pse të mos ketë ndërrim regjimi??? MIGA!!!”, shkroi Trump në platformën e tij sociale.
Postimi në platformën Truth Social përbënte një lëkundje nga qëndrimi zyrtar i shprehur më herët gjatë ditës nga Sekretari amerikan i Mbrojtjes, Pete Hegseth, në një konferencë për media ku dha detaje mbi sulmet ajrore.
“Ky mision nuk ishte dhe nuk është për ndërrimin e regjimit”, deklaroi Hegseth.
