TIRANË- Kryeministri Edi Rama, gjatë fjalës së tij në ditëlindjen e PS nuk i kurseu as batutat.Duke folun në oborrin e selisë rozë para socialistëve, Rama përmendi Arta Daden dhe Gramoz Ruçin. Pasi falenderoi të pranishmit, Rama u ndal te Dade, ku me batuta tha se se nuk i ndahet asnjëherë. Ndërsa për Gramoz Ruçin, Rama tha se se ai është i pranishëm në çdo event, dhe kjo sipas tij është shenjë që PS është në rrugën e duhur.
“Parlamenti duhet të bëhet shtylla e procesit të anëtarësimit. Si rezultat i mirëorganizimit në gjithë territorin dhe betejën e bërë me përkushtim, kemi dhe një skuadër mbështetëse jashtëzakonisht premtuese në të gjitha njësitë administrative ku PS është angazhuar gjatë këtyre muajve të grupeve të kandidateve për deputetë.
Ne do duhet të qëmtojmë për të identifikuar më të mirët e mundshëm për t’i ngarkuar me përgjegjësi një proces që do të kërkojë angazhim në të gjitha nivelet. Nuk është përgjegjësi vetëm i deputetëve, parlamenti por proces i shtrirë në gjithë territorin ku përfshihen dhe njësitë e pushtetit vendor dhe ku shumë nga detyrat mbeten për tu adresuar por për të qenë si duhet, na nevojitet kapital njerëzor i duhur.
Do të jemi në gjendje që t’i japim një forcë të madhe PS për tu mbështetur tek njerëzit më të talentuar në territor. Përshëndes dy njerëz që po shoh këtu, dy ekstreme, zysh Arta që nuk më ndahet dhe shoku Gramoz që sa herë e shoh në oborrin e shtëpisë them se PS është në rrugën e duhur. Shqetësohuni kur mos të jetë, por deri atëherë s’do jem as unë. Përshëndes si gjithmonë dhe gratë e vajzat, që sic e tregoi 11 maji, kush u mbështet tek vajzat fitoi,” tha Rama.
