TIRANË- Procesi i rinumërimit të votave do të nisë sot për 1282 qendrat e votimit të qarkut të Tiranës. Rinumërimi erdhi pasi gjatë procesit të verifikimit vëzhguesit e PD konstatuan disa parregullsi.
Pas Tiranës do të nisë rinumërimi i votave për qarkun e Fierit dhe Durrësit. Në total do te rinumërohen 2323 kuti votimi nga zgjedhjet e 11 Majit.
Ndërkohë një ditë më parë u përfundua verifikimi i 94 kutive të Peqinit dhe Gramshit ndërsa procesverbalet e konstatimit do i vihen në dispozicion Partisë Demokratike-ASHM.
Këta të fundit pritet të bëjnë analizën e gjetjeve dhe më pas kërkesat që kanë do të duhet t’i paraqesin në seancën e radhës së Komisionit të Ankimimeve dhe Sanksioneve (KAS). Sipas informacioneve paraprake nga rinumërimi rezultuan 15 fletë votimi me një vulë dhe jo me dy, siç e parashikon rregullorja e KQZ-së.
