SHBA- Huma Abedin, ndihmësja për një kohë të gjatë e Hillary Clinton dhe filantropin Alex Soros fundjavën e kaluar kanë kurorëzuar lidhjen e tyre në martesë.
Çifti u takua për herë të parë në një festë të organizuar nga miqtë e tyre James dhe Nicky Hilton Rothschild në tetor 2023 dhe filluan të dilnin menjëherë pas kësaj. Në qershor 2024, ata u fejuan pasi Soros i propozoi Abedin me një unazë diamanti me prerje smeraldi në apartamentin e tyre në Manhattan.
Në dasmën e organizuar në një nga rezidencat e çiftit morën pjesë personazhe të njohur dhe personalitete të shquar demokratë si Hillary dhe Bill Clinton, ish-zëvendëspresidentja Kamala Harris apo drejtoresha e “Vogue” Anna Wintour. Në dasëm ishte i ftuar edhe kryeministri Edi Rama. Vogue ka ndarë në artikullin për dasmën foto nga ceremonia, ndërsa mes tyre është edhe një foto e Ramës me dhëndrin Alex Soros.
