Presidenti amerikan Donald Trump ka mohuar se është larguar para kohe nga samiti i G7 në Kanada për të punuar mbi një marrëveshje armëpushimi mes Izraelit dhe Iranit.
Në një postim në rrjetet sociale, ai gjithashtu e ka quajtur presidentin francez Emmanuel Macron “i etur për vëmendje”.
Trump shkroi se Macron “nuk ka asnjë ide” për arsyen e kthimit të tij në Uashington dhe se ajo ishte “shumë më e madhe” se një armëpushim.
Reagimi i tij erdhi pasi Macron kishte sugjeruar se Trump kishte bërë një “ofertë” për armëpushim.
Presidenti amerikan e hodhi poshtë këtë deklaratë si të pavërtetë, duke shtuar: “Qoftë qëllimisht apo jo, Emmanuel gjithmonë e ka gabim. Qëndroni në pritje!”
