Max Eberl është në presion. Pas refuzimit të Florian Wirtz dhe pas largimit me parametra zero të Leroy Sane, Bayern duhet të blejë një yll të klasit botëror.
Tifozët presin ndryshime kolosale në skuadër dhe drejtori sportiv i klubit bavarez duket gati për t’ua plotësuar dëshirën.
“Wirtz është lojtar i shkëlqyer dhe ne zhvilluam bisedime pozitive me të. Në fund shkoi te Liverpool, por nuk e di nëse ne do ta kishim paguar atë shifër që mori përsipër Liverpool”.
“Merkatoja? Pa merak. Jemi në bisedime me një lojtar të jashtëzakonshëm. Ai do të jetë një forcë e madhe për skuadrën tonë. Gjithsesi, nuk jemi keq, apo jo? Kemi yje si Musiala, Kane, Olise, Kimmich, etj.”
