TIRANË– Kryetari i PD, Sali Berisha ka deklaruar se kryebashkiaku u Shkodrës Benet Beci u përdor nga pushteti pas vjedhjes së zgjedhjeve, ndërsa tani i ka ardhur radha për ta flakur. Teksa iu referua fshehjes së informacionit nga SPAK, si person nën hetim të kryebashkiakut të Shkodrës para zgjedhjeve të 11 majit, Berisha tha se fshehja ishte e qëllimtë nga prokurori i Posaçëm, Arben Kraja.
“Sigurisht që lajmi u mbajt i fshehtë fillimisht nga Arben Kraja, që është bashkëhajdut në këtë rast, bëri gjithçka që kjo çështje të mos mbyllej, por kjo çështje ishte shumë evidente. Mund të them se e kam denoncuar si fakt në mënyrë të përsëritur, por ajo çka është e vërtetë për Becin, përdoret si limon i shtrydhur dhe flakët. Vodhën së bashku me të dhe e flakin tani. Kjo është e vërteta. Të kujtohen ty profesorët e Harvardit, i patën botuar mediat. Po mirë, ata marrin kaq, po ne të dy sa do marrim, ne që nuk jemi të Harvardit. Një nga ato,” tha Berisha.
