TIRANA- Personi në foto është Dashnor Dumani, vëllai i të penduari të drejtësisë Nuredin Dumanit. Dashnor Dumani pritet që të ekstradohet ditën e sotme nga Dubai. Ai gjithashtu rezulton i dënuar për armëmbajtje pa leje dhe i akuzuar nga GjKKO-ja, për vrasje dhe për vjedhje me armë. Po ashtu Dashnor Dumani ka qenë pjesë e Masakrës së Bradasheshit, ku u vranë 3 familjarë të Erion Alibej.
Dashnor Dumani përmendet në dosjet e drejtësistë që nga data 18 janar i vitit 2015. Së bashku me 3 persona të tjerë u kap me “C4” në qytetin e Durrësit. Në pranga bashkë me të përfunduan: Febjus Dauti, lindur në Has dhe banues në Durrës; Asllan Plaku lindur dhe banues në Durrës dhe Bledar Plaku lindur dhe banues në Durrës. Atëherë u zbulua nga një bisedë telefonike që kishte bërë Dauti se do të shkonin që të vendosnin tritol me porosi.
Pasi kryenin porositë, grupi merrte paratë dhe më pas i ndanin me njëri-tjetrin. Shënjestrat nuk ishin domosdoshmërisht persona të caktuar, por edhe makina, komisariate policie dhe shtylla tensioni, apo ku do që të bëhet porosia. Në disa raste dilnin edhe nga zonat e tyre të influencës duke u futur edhe në Krujë e Fushë-Krujë.
Më parë ai ishte dënuar në Franë “si shfrytëzues prostitucioni”. Atje, kërkoi edhe azil me pretendimin se po ta kthenin në Shqipëri, do i rrezikohej jeta, por kërkesa nuk iu pranuar. Marrëdhënia me të vëllanë, sipas dosjeve hetimore, nuk ishte e zakonshme apo “e paqtë” pasi Nuredin Dumani ishte kthyer në një ndihmës të Erion Alibej në planin e tij për të marrë hak ndërsa Dashnor Dumani punonte për llogari të Çopjave me Talo Çelën. Megjithatë komunikimi mes dy vëllezërve nuk ka munguar duke përdorur aplikacionin “SkyECC”.
