Ndeshja e shumëpritur, do të luhet mbrëmjen e së shtunës, ku interesi ka qenë i madh, qëkur u mësua se Serbia dhe Shqipëria ishin në një grup. Por, veç analizës sportive, ka një tjetër analizë, që ne na pëlqen ta bëjmë edhe me më shumë dëshirë, është ajo e jetës private të futbollistëve.
Teksa sytë e të gjithë shqiptarëve janë tek yjet e Kombëtares, ne preferojmë që t’ju zbulojmë se ku janë sytë dhe zemrat e tyre, kur nuk janë në fushën e blertë. Por veç dashurive të re, ka edhe nga ata që në fushë, do të zbresin zemërthyer, nga ndarjet e freskëta.
Kristjan Asllani gjen të dashur italiane
Për Kristjan Asllanin këto kanë qenë ditë të ngjeshura. Kujtojmë disfatën që skuadra e tij, Interi, pësoi në finalën e Champions Ligë, përbarë skuadrës së Parisit. Megjithatë, teksa iu desh që shpejt tëlinte këtë humbje të hidhur pas dhe të mblidhej për ndeshjen me Serbinë, duket se koha e zënë, nuk e ka penguar që të vijojë me jetën e tij private. Ndonëse në vendin tonë është ndër më të pëlqyerit nga tifozët, sidomos femra, partnerja e përzgjedhur prej tij është italiane.
Bëhet me dije se mesfushori i Kombëtares sonë prej pak kohësh ka nisur një lidhje të re, me një bashkëmoshatare të tij, italiane. Nuk dihen detaje të tjera, se ku është prezantuar ky çift, apo si po shkon kjo lidhje, por ajo që me siguri dimë, është fakti se çifti duket se po e shijon këtë raport të ri. Nëse i hedhim një sy Instagramit të Asllanit, do të shihni që javët e fundit ka ‘pastruar’ shumë nga ndjekësit e tij, duke bërë kështu që të ketë më pak audiencë në rrjetet e tij sociale, sidomos femërore. Ndoshta kjo një kërkesë nga partnerja e tij e re.
Thomas Strakosha lë pas historinë me modelen, nis lidhjen e re
Thomas Strakosha, një ndër më të komentuarit për paraqitjen në fushë dhe në jetën private. Portieri i Kombëtares sonë, mesa duket ka nisur një raport të ri, ose të paktën kjo ka ngjallur dyshime pak kohë më parë nga postimet e tij në Instagram. Si një nga sportistët që është edhe më aktiv në Instagram, pak kohë më parë, portieri ka bërë disa postime, në dukje romantike, duke na lënë përshtypjen se ka gjetur sërish dashurinë.
Kujtojmë që rreth një vit më parë, ai i dha fund lidhjes së gjatë dhe të konsoliduar që kishte me modelen Esther Adjoa Asiédu. Postimet e portierit të Kombëtares dhe modeles Esther krah njëri-tjetrit dhe dedikimet e dashurisë kanë qenë gjithmonë të pranishme në rrjetet sociale dhe vendimi për të mos kaluar pushimet bashkë vitin e shkuar, konfirmuan se historia e dashurisë mes tyre kishte përfunduar. E tashmë jemi gjithë ‘sy e vesh’ për të parë se kush është vajza që i ka fituar zemrën Thomasit.
Taulant Seferi mban partneren e re sekrete
Mund të themi pa frikë se Taulant Seferi është ndër futbollistët më të dashur të Kombëtares sonë, sidomos nga vajzat. Ylli i futbollit i ka bërë për vete ndjekësit jo vetëm me performancën e tij në fushë, por edhe me pamjen e tij. Por shpresat e vajzave u prenë, kur vetë djali nga Maqedonia e Veriut u shpreh se ishte në një lidhje të konsoliduar.
Pas famës së madhe që ai mori, duket se diçka ndodhi dhe lidhja përfundoi. Që atëherë, Seferi preferoi që mos të fliste më për jetën private. Nuk kishte sesi mos të na të tërhiqte vëmendje edhe ardhja e shpeshtë e tij në Tiranë kohët e fundit. Kaq ka mjaftuar që miqtë ti zbulojnë sekretin, duke bërë me dije se në fakt futbollisti vjen në Tiranë për një vajzë.
Nuk dihet ende se kush është fatlumja që i ka fituar zemrën, por duket se tashmë një lidhje e re ka nisur për Taulantin, që e ka bërë të shpeshtojë edhe vizitat në kryeqytetin tonë. Në rrjetet e tij sociale vetë futbollisti ka postuar herë pas here foto teksa shfaqet në Tiranë, por natyrisht që ka preferuar mos të zbulojë se kush e shoqëron në ditët e tij kur nuk ka angazhime me sportin.
Broja zyrtarizon lidhjen me Sindin, plane për martesë
Ylli i kombëtares shqiptare, Armando Broja, është një nga lojtarët më të përfolur, i cili shpesh herë ka “ngritur peshë” zemrat e tifozëve me golat në fushën e blertë.Megjithatë, jeta personale përtej futbollit duke se po i shkon “vaj”, pasi është ndarë nga influencerja britanike, Jade Alyssa Ëills, Broja nuk ka vonuar për të rigjetur dashurinë, e cila i kishte munguar gjatë kohës që ishte “single”.
Aktualisht, ai është në një romancë me një vajzë shqiptare me origjinë nga Përmeti të quajtur “Sindi” dhe këtë gjë e konfirmoi edhe vetë në një studio televizive. Broja tha se deri më tani nuk i ka dedikuar asnjë gol asaj, por shpreson që këtë gjë ta bëjë në të ardhmen.
“Unë akoma nuk i kam dedikuar një gol një vajze, por Inshallah të mundem që t’i dedikoj sa më shumë gola vajzës sime që kam tani”. Gjithashtu, futbollisti shtoi se një ndër planet e tij të së ardhmes, përveç karrierës, është martesa dhe krijimi i një familjeje të bukur e të shëndetshme. “Jam i vogël, jam 23-vjeç. Ka kohë dhe për mua për t’u martuar. Plani për mua është që të martohem dhe të bëj një familje të bukur”.
