Më 7 qershor, Shqipëria do të përballet me Serbinë në kuadër të kualifikueseve për Kupën e Botës 2026.
Pak minuta më parë, UEFA ka publikuar emrat e zyrtarëve të ndeshjes që do të gjykojnë këtë përballje të rëndësishme.
Kryesor do të jetë arbitri italian Davide Massa, i ndihmuar nga Filippo Meli dhe Ciro Carbone. Ndërkohë, Fabio Maresca është caktuar si arbitër i katërt. Sistemi VAR do të jetë nën mbikëqyrjen e Aleandro Di Paolo, ndërsa Daniele Doveri do të shërbejë si asistent në VAR.
Kjo do të jetë ndeshja e tretë për Shqipërinë në këto kualifikuese: kuqezinjtë janë mundur nga Anglia, por kanë marrë një fitore kundër Andorrës.
Nga ana tjetër, Serbia do të zhvillojë ndeshjen e saj të parë pikërisht të shtunën.
