Kongresmeni Keith Self, Kryetar i Nënkomisionit të Punëve të Jashtme për Europën në Kongresin amerikan deklaroi në një intervistë të shtunën për mediat amerikane se Soros ka ndërhyrë në zgjedhjet në Shqipëri, Rumani dhe Poloni.
Gazetari: Na bashkohet tani Kongresmeni nga Teksasi, Keith Self. Zotëri, faleminderit shumë që u bashkuat me ne në Right Side.
Keith Self: Patjetër. Jam i lumtur që jam këtu.
Gazetari: Na thuaj mendimin tënd për Presidentin Trump deri tani. Janë bërë afro 130 ditë në detyrë. Ju gjithashtu po bëni një punë të shkëlqyer. Na trego çfarë mendon për Presidentin.
Keith Self: Presidenti po bën një punë të shkëlqyer, pavarësisht pengesave që sistemi gjyqësor po i vendos përpara. Mendoj se njerëzit e kuptojnë këtë, sepse sondazhet po rriten. Rasmussen, më duket se pikërisht sot, tha që ai është kthyer në të njëjtat nivele që kishte më 20 janar, ditën kur u betua. Kjo është një lajm i mirë.
Gazetari: Është vërtet një lajm i mirë dhe është mirë të shohim që ju po luftoni në emër të popullit. Ju jeni kryetar i Komisionit të Punëve të Jashtme për Evropën. Mund të na flisni për ndërhyrjet në zgjedhjet në Poloni? Ka shqetësime për përfshirjen e George Soros dhe fondacioneve të tij përmes USAID. Ju keni dërguar edhe një letër në BE.
Keith Self: Po, kemi dërguar letër sepse BE-ja nuk po bën punën e saj. Ajo që po ndodh është se Fondacioni Open Society i George Soros, përmes disa organizatave, po ndërhyn në zgjedhjet e disa vendeve. Polonia ka zgjedhje të dielën, dhe jemi shumë të shqetësuar që ata do të përpiqen të bëjnë të njëjtën gjë që kanë bërë në Shqipëri dhe Rumani.
Kjo është një ndërhyrje kundër partive popullore dhe pro-demokracisë. Në Poloni konkretisht, është partia Ligj dhe Drejtësi (Laë and Justice Party) ajo që po përpiqen të shtypin. Kemi shkruar një letër BE-së sepse ata duhet të flasin për këtë, ta dënojnë këtë sjellje, dhe jo ta inkurajojnë, siç po bëjnë. Një komisioner i BE-së ka thënë që “po, detyruam Gjykatën Kushtetuese të Rumanisë të përmbyste një zgjedhje, dhe mund të na duhet të bëjmë të njëjtën gjë në Gjermani.” Kjo është shumë shqetësuese.
Gazetari: Postimi juaj ishte perfekt: “Kur bëhet fjalë për ndërhyrjet dhe financimet e errëta, të gjitha rrugët të çojnë te George Soros. BE-ja duhet të dënojë menjëherë korrupsionin dhe ndërhyrjet në zgjedhje në Poloni. Refuzoni globalizmin, përqafoni demokracinë e vërtetë përmes vullnetit të popullit.” Keni ndonjë koment shtesë për këtë?
Keith Self: Po, mund ta theksoj edhe më shumë. Kjo është pikërisht ajo që BE-ja duhet të bëjë. Në vend që të shtypin zërin e popullit, duhet ta inkurajojnë atë. Kjo është tradita perëndimore mbi të cilën janë ndërtuar Evropa dhe SHBA. Liria e fjalës është themelore, prandaj është në Amendamentin e Parë të Kushtetutës sonë. Kjo është një periudhë kritike në Evropë. Kemi pesë vende tashmë ku BE-ja ka lejuar që kjo të ndodhë. Duhet ta ndalim tani, para se të ndodhë edhe në Gjermani — që është shtylla kurrizore e Evropës.
Gazetari: Po shoh ndërkohë një postim nga Marco Rubio dhe Sekretari i Shtetit për ndalimin e vizave për ata që shtypin lirinë e fjalës. Duket që jeni në të njëjtën linjë me Shtëpinë e Bardhë dhe Departamentin e Shtetit. Çfarë mesazhi keni për popullin amerikan në këtë moment?
Keith Self: Duhet të qëndrojmë të fortë në Evropë, por kemi probleme edhe në SHBA. E dimë që George Soros është kudo në Amerikë, duke sponsorizuar prokurorë të majtë. Presidenti Trump po lufton edhe këtu për integritetin e zgjedhjeve. Duhet të marrim një qëndrim të fortë në Evropë, që të reflektojë më pas edhe këtu në SHBA. Jam në mbështetje të çdo mjeti ligjor që Presidenti Trump dhe Marco Rubio kanë në dispozicion.
Gazetari: Shumë kanë folur për paratë e Sorosit, por ju jeni ndër të paktët që po dilni hapur për të luftuar këtë. Faleminderit për këtë. Përveç letrës ndaj BE-së, çfarë hapash të tjerë mendoni se duhet të merren në Kongres apo edhe nga Departamenti i Drejtësisë?
Keith Self: Në Evropë, kjo është padyshim e paligjshme. Në Poloni, Gjykata e Lartë ka urdhëruar që t’i jepen partisë Laë and Justice miliona dollarë që po mbahen padrejtësisht. Komisioni Zgjedhor atje është dakord, por qeveria aktuale thjesht po refuzon ta zbatojë ligjin. Kur nuk respektohet sundimi i ligjit dhe zëri i popullit shtypet, kjo është shumë e rrezikshme. Paratë duhet t’i jepen partisë Laë and Justice. BE-ja duhet të dënojë sjelljen e qeverisë aktuale dhe të inkurajojë votimin e lirë më 1 qershor.
Gazetari: Kjo është shumë e rëndësishme, sepse raundi i dytë i zgjedhjeve është vetëm disa ditë larg. Kalojmë tani në SHBA: kemi festuar 101-vjetorin e Shërbimit të Doganave dhe Mbrojtjes së Kufirit në kufirin jugor të Teksasit. Cilat janë mendimet tuaja për punonjësit e këtij shërbimi?
Keith Self: Po bëjnë një punë të mrekullueshme. Numrat kanë rënë me mbi 99%. Tom Holman po bën një punë fantastike dhe është njeriu i duhur për këtë punë. Jam shumë i kënaqur me mënyrën si është siguruar kufiri. Gjatë fushatës, sigurimi i kufirit ishte një nga dy temat kryesore për të cilat njerëzit votuan. Presidenti Trump e ka mbajtur premtimin: “Premtime të dhëna, premtime të mbajtura.”
Gazetari: Presidenti do të mbajë një miting të premten në Pittsburgh, Pennsylvania. Dhe kur jeni në distriktin tuaj në Teksas, çfarë thonë qytetarët? Janë të kënaqur që kanë një president që i përfaqëson dhe një kongresmen që i mbron?
Keith Self: Epo, mitingjet e Presidentit Trump janë gjithmonë një event. Janë një destinacion më vete. Janë të mrekullueshme.
Gazetari: Në distriktin tuaj, njerëzit çfarë kërkojnë nga ju dhe nga Kongresi?
Keith Self: Në distriktin tim, njerëzit na drejtojnë shumë pyetje. Ata duan që Kongresi të bëjë disa gjëra:
- të miratojmë shkurtimet doge (nënkupton shkurtimet në shpenzime ose taksa),
- të kodifikojmë urdhrat ekzekutivë (pra, t’i bëjmë ligj të përhershëm),
- të ulim shpenzimet e tepruara të qeverisë.
Tani që kufiri është marrë në dorëzim, çështja tjetër madhore është ekonomia — shpenzimet, qeveria federale jashtë kontrollit. Kjo është tema më e rëndësishme e ditës.
Gazetari: Dhe çfarë do t’u thoshit kolegëve tuaj në Senat, që po shqyrtojnë këtë “projektligj të bukur dhe të madh” dhe nevojën për ta miratuar?
Keith Self: Duhet të miratojmë shkurtimet në taksa. Por kjo është vetëm gjysma e ekuacionit. Gjysma tjetër janë shkurtimet në shpenzime. Nëse bëjmë vetëm ulje taksash pa kursime domethënëse, atëherë deficiti dhe borxhi do të shpërthejnë.
Pra, kjo duhet të jetë një paketë e plotë. Po, uljet e taksave janë “xhevahiri i kurorës” së këtij projektligji, por duhet të shoqërohen me kursime për të mos e çuar borxhin prej 36 trilionë dollarësh në 56 trilionë në dhjetë vitet e ardhshme.
Tregu i obligacioneve është tashmë i shqetësuar për këtë çështje. Sepse kur qeveria shet një obligacion, në thelb thotë: “Të premtoj që do ta të kthej këtë shumë në të ardhmen.” Por nëse investitorët dyshojnë se do të paguhen, atëherë nuk do t’i blejnë obligacionet. Dhe kështu kostoja e interesave për t’i shërbyer borxhit do të rritet gjithnjë e më shumë.
Gazetari: Dhe për fund, Kongresmen, faleminderit që u bashkuat me ne në Right Side Broadcasting Netëork. Çfarë do t’i thoshit popullit amerikan tani? Çfarë këshille apo inkurajimi keni për të ardhmen, ndërkohë që kemi ende presidentin në Shtëpinë e Bardhë dhe shpresë për më shumë përpara?
Keith Self: Kemi një mundësi që vjen vetëm një herë në brez. Kontrollojmë Dhomën e Përfaqësuesve, Senatin dhe Presidencën. Mund të përdorim procesin e “pajtimit buxhetor” (reconciliation) tani. Duhet ta kalojmë projektligjin për ulje taksash dhe shkurtime shpenzimesh përpara zgjedhjeve të mesmandatit.
Duhet të shkojmë në zgjedhje me një mesazh të fortë konservator dhe të tregojmë suksesin. Ekonomia po reagon. Njerëzit ndihen sikur kanë më shumë para në xhep, sepse ua kemi lënë atyre në xhep përmes uljes së taksave.
Kjo është thelbësore për zgjedhjet. Jepni mundësinë për të kaluar këtë projektligj me pajtim buxhetor.
Gazetari: Kongresmeni nga Teksasi, Keith Self. Zotëri, faleminderit që ishit me ne në Right Side Broadcasting Netëork.
Keith Self: Faleminderit juve.
