SHBA- Presidenti i SHBA-së Donald Trump, përmes një postimi ka ërë të ditur se ka zhvilluar një bisedë telefonike me Presidentin rus Vladimir Putin, e cila zgjati afërsisht një orë e pesëmbëdhjetë minuta. Fokusi i bisedës ishin sulmet e fundit në Ukrainë, përfshirësulmin ndaj bazave ruse ku ishin të stacionuar bombarduesit.
Trump e përshkroi bisedën si të mirë, por sqaroi ai nuk është një bisedë që do të çojë në paqe të menjëhershme. Sipas tij, Presidenti Putin shprehu fuqishëm qëllimin e Rusisë për t’iu përgjigjur sulmit ndaj aeroporteve.
Të dy udhëheqësit diskutuan gjithashtu programin bërthamor të Iranit, me Trumpin që tha se koha po mbaron që Teherani të marrë një vendim për armët e tij bërthamore.
“I thashë Presidentit Putin se Irani nuk mund të ketë një armë bërthamore. Mendoj se jemi dakord për këtë”, tha Trump.
Putini, tha ai, shprehu gatishmërinë e tij për tu angazhuar në bisedime me Iranin, duke besuar se kjo mund të ndihmonte në zgjidhjen e çështjes më shpejt. Trump tha se udhëheqja iraniane po e vononte qëllimisht vendimin e saj dhe theksoi nevojën për një përgjigje përfundimtare sa më shpejt të jetë e mundur.
