Pas tërheqjes nga rikandidimi i Aida Hajnës për postin e kreu të Byrosë Kombëtare të Hetimit, SPAK ka nxjerrë një njoftim për të gjithë ata që duan të marrin këtë post.
SPAK ka renditur procedurën se si do të bëhet zgjedhje e kreut të ri të BKH-së.
Më tej në njoftimin e SPAK është edhe linku ku bëhet aplikimi online dhe ku janë renditur të gjitha kriteret për të bërë aplikimin.
Disa prej kritereve për të aplikuar për postin e kreut të BKH-së, SPAK ka renditur diplomën e ciklit të dytë në drejtësi, e më pas përvoja pune si prokuror apo OPGJ për raste korrupsioni dhe krimi.
SPAK vlerëson në kritere pastërtinë e figurës, të mos ketë qenë pjesë e strukturave të regjimit komunist, si Byroja Politike, Hetuesi apo Sigurimi i Shtetit.
Bazuar në ligjin nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”, nenin 6, nenin 33, pikat 2 dhe 3, nenin 34, nenin 37, nenin 38, pikat 2 dhe 3, Urdhrin nr. 11794, datë 07.04.2025 “Për ngritjen e Komisionit të Përzgjedhjes së Drejtorit të Byrosë Kombëtare të Hetimit” të Drejtuesit të Prokurorisë së Posaçme kundër Korrupsionit dhe Krimit të Organizuar, Vendimin nr.5 datë 22.05.2025 të Komisionit të Përzgjedhjes së Drejtorit të Byrosë Kombëtare të Hetimit, shpall thirrjen e hapur për aplikim për pozicionin “Drejtor i Byrosë Kombëtare të Hetimit”.
Procedura e përzgjedhjes kryhet në fazat si vijon:
Për fazën e shqyrtimit të Aplikimit:
Kandidati duhet të plotësojë aplikimin on line (linku http://spak.gov.al/ëp-content/uploads/2025/05/Formulari-aplikim-Drejtor-BKH.docx ) duke dorëzuar në formë elektronike të firmosur dhe skanuar, në adresën e-mail: [email protected], si dhe fizikisht në protokollin e Prokurorisë së Posaçme:
Formularin e aplikimit on line.
Dokumentacionin dhe vërtetimet për plotësimin e kritereve të përzgjedhjes për pozicionin e Drejtorit të BKH-së të përcaktuara në nenin 34, pika 2 të Ligjit nr. 95/2016, si më poshtë:
ç) nëse ka qenë apo është punonjës i Policisë së Shtetit, të ketë mbajtur për jo më pak se 3 vjet gradën “Komisar”, “Kryekomisar”, “Drejtues” apo “Drejtues i Parë”;
ë) ndaj tij nuk është marrë masa disiplinore e “shkarkimit nga detyra”, ose ndonjë masë tjetër disiplinore, e cila është ende në fuqi sipas legjislacionit në momentin e kandidimit;
Kandidatët duhet të paraqesin dokumentacionin e nevojshëm brenda datës 06.06.2025. Dokumentacioni duhet të dorëzohet pranë Sektorit të Arkiv-Protokollit të Drejtorisë së Dokumentacionit dhe Burimeve Njerëzore të Prokurorisë së Posaçme në një zarf të mbyllur, i cili i drejtohet Komisionit të Përzgjedhjes së Drejtorit të Byrosë Kombëtare të Hetimit.
Kandidatët duhet të plotësojnë të gjitha rubrikat e Formularit të Aplikimit. Nëse një fushë apo informacion nuk është mbushur, nuk është i lexueshëm, ose është i pakuptueshëm, aplikimi do të refuzohet. Gjithashtu, nëse formulari i dorëzuar nuk tregon se aplikanti përmbush minimumin e kritereve të përcaktuara në ligjin 95/2016, aplikimi do të refuzohet.
