Detaje të reja janë zbardhur nga dosja hetimore në lidhje me operacionin “Ura” që po zhvillohet në Shqipëri dhe Itali kundër trafikut ndërkombëtar të drogës, pastrimit të parave dhe shpërdorimit të detyrës. Dosja.al ka siguruar pjesë nga dosja hetimore ku përmenden emrat e shqiptarëve dhe italianëve të përfshirë në grupin kriminal.
Përveç renditjes së emrava në dosje paraqiten dhe epitetet që anëtarët përdornin për njëri tjetrin për t’iu referuar gjatë komunikimit. Po ashtu në dosje thuhet se shqiptari Adi Coba, si drejtues dhe promotor i shoqatës, ka dërguar në Itali sasi të mëdha heroine dhe kokaine nga jashtë vendit.
Ai, thuhet në dosje koordinoi dhe drejtoi aktivitetet nga Shqipëria të pjesëmarrësve të tjerë në shoqatë në rolin e përfituesve të substancë narkotike të cilën e kanë marrë, mbajtur, ruajtur, prerë dhe paketuar për shitje të mëvonshme në blloqe brenda territorit italian.
Sipas dojes ata u kujdesën edhe për mbledhjen mbledhin sistematikisht të ardhurat nga shitjet dhe i dërgojnë ato në mënyrë klandestine te Shqipëria periodikisht te kreu i organizatës; Michele Sterlicchio, Angelo Zanzerelli, Francesca Caputi dhe Luisa Mazzuti për pjesëmarrjen në të me rolin e blerësve të qëndrueshëm dhe sistematikë të grupeve të drogës, të destinuara për t’u vendosur prej tyre në zonat e shitjes me pakicë të drogës, përkatësisht në territoret e provincave të Leçes dhe Brindizit.
Organizata me shtrirje ndërkombëtare u zbulua nga autoritetet italiane, pas një hetimi të thelluar të udhëhequr nga Prokuroria e Antimafias në Bari, në bashkëpunim me SPAK-un. Në dosje rezulton se Adi Coba ka kontakt të vazhdueshëm telefonik nga Shqipëria me pjesëmarrësit e PRESI-t. Gjitha në dosje thuhet se Erigels Presi dhe Agron Ganaj organizuan dërgesën në Itali të substancës narkotike me një makinë të drejtuar nga një shqiptar nga Vlora.
Gjithashtu në dosje thuhet se në bazë të marrëveshjes së Adi Coba dhe Angelo Zanzarelli që biseduan përmes SKY ECC, lënda narkotike u mor nga Nuredin Kiptiu. Më tej në dosje thuhet se, në bazë të marrëveshjeve të përcaktuara nga Shqipëria midis trafikantit të drogës Elvis Doci dhe Adi Coba përmes komunikimit në SKY ECC, Lënda narkotike nga Gjermania u ngarkua në një makinë dhe u transportua në Mola di Bari.
Dosja ka siguruar pjesë nga dosja hetimore ku saktësohet roli i secilit anëtar shqiptar dhe italian në organizatë. • Në dosje thuhet se Adi Coba, Agron Ganaj, Angelo Zanzarelli dhe Luisa Mazzuti në aktivitete kriminale në më shumë se një shtet, zotëronin, transportonin dhe shisnin një sasi lënde narkotike e barabartë me 3 kilogramë kokainë dhe 7 kilogramë heroinë. Po ashtu në dosje përmenden një seri rastesh të ngjashme ku citohen emrat përkatës të anëtarëve të grupit shqiptaro-italian.
