Në gusht 2024, Shtetet e Bashkuara i bënë Sali Berishës një ofertë që s’kishte ndodhur ndonjëherë më parë në politikën shqiptare: Ti mbaj partinë, ne sjellim kryeministrin, një shqiptaro-amerikan të përzgjedhur nga Uashingtoni. Me këtë formulë, Partia Demokratike do të vinte në pushtet, dhe marrëdhëniet me Perëndimin do të normalizoheshin menjëherë.
Por doktori e refuzoi. Refuzoi kompromisin që do të rrëzonte Ramën dhe do të kthente opozitën në lojë. Sot, Rama ka 83 mandate, PD është jashtë loje dhe zgjedhjet janë denoncuar si të manipuluara – por Departamenti i Shtetit ende nuk ka folur.
Pse?-Sepse plani amerikan nuk ka rënë. Uashingtoni është i qartë: “Qeveria është e jona, partia të jetë e juaja – përndryshe, harrojeni pushtetin”. Pa pranuar këtë realitet, PD nuk fiton dot asnjë betejë. Uashingtoni nuk mbështet më as iluzionin e rikthimit me receta të vjetra, as luftën e pafund me SHBA-në. Opozita ka një shans të fundit për të zgjedhur: të qëndrojë në hije ose të ecë përpara nën një marrëveshje strategjike.
Koha nuk pret. Dhe as Amerika.
