GREQI- Një tjetër emigrant shqiptar në Greqi ka deklaruar se zarfi i kishte mbërritur pa fletën e votimit. Duke dhënë emrin dhe adresën e tij, shqiptari nga Selaniku akuzon se i kanë hequr të drejtën për të votuar. Letra e publikuar nga Syri.net, mban datën 25 prill 2025.
‘Zarfi në emrin tim, nuk kishte fletën e votimit brenda. Pra mua më është hequr e drejta e votës. Kërkoj që të gjenden personat dhe të dënohen sipas ligjeve në fuqi. Kjo letër të lexohet në komision dhe më pas ti jepet organeve ligjazbatuese, si prokuroria’, shkruan shqiptari i diasporës, i cili më pas vendos dhe adresën se postës ku ka tërhequr zarfin.
