TIRANË- Procesi i numërimit të votave të diasporës vijon ende në Parkun Olimpik. Gjatë këtij procesi nuk kanë munguar edhe tensionet mes përfaqësuesve të subjekteve politike. Kësaj radhe përplasja ka qenë për votat në qarkun e Lezhës, ku aktualisht PD- ASHM kryeson me mbi 400 vota më shumë sesa PS.
rezultati
Demokratë kanë kërkuar rinumërimin e dy kutive të votimit, pasi sipas tyre tabela përfundimtare ka tre vota më pak nga sa kanë mbajtur shënim vëzhguesit. Kjo kërkesë është kundërshtuar nga socialistët, ndërsa të pranishëm në Parkun Olimpik janë dhe dy ministrat, Taulant Balla dhe Ulsi Manja.
Ky i fundit ka replikuar me kryetarin e KQZ-së, Ilirjan Celibashin, ku i ka thënë se nëse do të pranojë kërkesën e PD-së për rinumërimin e dy kutive të votimit, numërimin do të duhet ta bëjë pikërisht ai.
“Shko numëroji ti votat”, i ka thënë Manja- Celibashit, i cili vëzhgoi nga afër rinumërimin e votave të një kutie.
