TIRANË- Ka nisur hapja e zarfeve me votat e ardhura nga Greqia. KQZ dhe Kolegji Zgjedhor vendosën që 50 mijë votat do të numërohen rregullisht ashtu si votat e tjera të ardhura nga diaspora.
Këto vota u lanë mënjanë prej 5 ditësh pasi u kontestuan nga PD dhe KQZ pranoi fillimisht kërkesën e tyre për t’i trajtuar veçmas. Më pas KAS rrëzoi këtë vendim dhe kërkoi që procesi i numërimit të tyre të zhvillohet normalisht.
Edhe Kolegji Zgjedhor një ditë më parë, rrëzoi kërkesën e Partisë Demokratike, e cila kërkonte shfuqizimin e vendimit të Komisionit të Administratës Shtetërore (KAS).
Aktualisht Partia Socialiste kryeson edhe në votat e shqiptarëve jashtë vendit, ashtu si në votat e atyre brenda vendit. Në rang kombëtar PS siguroi 83 mandate, ndërsa PD-ASHM vetëm 50 mandate. 3 mandate ka siguruar Partia Socialdemokra, 2 ka siguruar Partia Mundësia. Nga 1 mandat kanë marrë Nisma Shqipëria Bëhet dhe Lëvizja Bashkë.
