Eksperti i kriminalistikës, Ervin Karamuço thotë se ka përplasje brenda partive politike, pas zgjedhjeve të 11 majit, teksa ende janë duke u numëruar votat.
Në emisionin “Real Story” në ABC News, Karamuço u shpreh se jashtë një qendre numërimi në Tiranë qëndronte një person i armatosur dhe në një rast tjetër, u gjet një portofol me 20 mijë euro.
“Kjo është fazë e rëndësishme zgjedhore. Ka pasur raste flagrante, por ka qenë të pakta. Policia ka pasur analizë risku. Ka pasur përplasje, ishin të pritshme, madje po ndodhin brenda partive politike. Në dy raste, është parë një person i armatosur në një prej qendrave të numërimit, në një rast tjetër është parë një portofol gati 20 mijë euro që mbahej aty, sot paradite është filmuar në Tiranë. E kishin lënë në sedilje, me disa fleta. Duhet verifikuar. Ka një presion për intimidimin e numëruesve”, theksoi ai.
