TIRANË- Numërimi për votat për kandidatët vijon në qarkun e Tiranës. Partia Socialiste ka siguruar deri më tani 19 mandate, ku si rrjedhojë 7 deputetë nga lista e hapur do t’i bashkohen parlamentit. Më i votuari deri tani në listë të hapur është Blendi Gonxhe me 5535 vota.
Koalicioni PD-ASHM ka siguruar në këtë qark deri tani 14 mandate, ku 2 do të jenë deputetët nga lista e hapur që do t’i bashkohen parlamentit. Ilir Alimehmeti ka siguruar deri tani 1672 vota. Ai ndiqet nga Loranca Hoxha me 1575 vota dhe Jorida Tabaku me 1480 vota.
Sa i përket partive të vogla, Partia Mundësia do të çojë në parlament të parin e listës së mbyllur, Agron Shehajn, ndërsa Nisma Shqipëria Bëhet Adriatik Lapajn, i cili ka marrë më shumë vota se Endri Shabani.
Jashtë parlamentit mbetet edhe Arlind Qori, pasi i pari i Lëvizjes Bashkë është Redi Muçi, ndërsa PSD-ja do të çojë në Kuvend të parën e listës së mbyllur Albana Pëllumbi.
