SHBA– Presidenti amerikan Donald Trump ka uruar kardinalin amerikan Robert Francis Prevost, për zgjedhjen e tij si Papa i ri i Kishës Katolike, i cili do të quhet ndryshe si Papa Leon XIV. Trump shkroi në rrjetet e tij sociale se është një nder i madh të kuptosh se ai është papa i parë amerikan. Trump e quan nder dhe emocion të madh për vendin e tyre dhe shprehet se mezi pres ta takojë duke shtuar se do të jetë një moment shumë domëthënës.
“Urime kardinalit Robert Francis Prevost, i cili sapo u emërua Papë. Është një nder i madh të kuptosh se ai është Papa i parë amerikan. Çfarë emocioni, dhe çfarë nderi i madh për vendin tonë. Mezi pres të takoj Papa Leon XIV. Do të jetë një moment shumë domethënës!”, shkruan Trump.
