TIRANË– Kryeministri Edi Rama ka komentuar gjatë kësaj mbrëmjeje lobimin 6 milionë dollarë të PD-së. I ftuar në emisionin ‘Të paekspozuarit’ në MCN Tv, Rama tha se kjo është një shumë marramëndëse dhe do t’i kthehet në boomerang për Partinë Demokratike. Rama shtoi se Lulzim Bashës ‘iu bë gjithë ajo gurgule për 500 mijë euro’.
Rama tha më tej se ajo kontratë është e paligjshme 100% në vendin tonë duke shtuar se nuk ka askush të drejtë të marrë donacione përtëj një shume të caktuar.
“Është një shumë marramendëse. 6 milionë dollarë janë shumë. Lulit për 500 mijë iu bë gjithë ajo gurgule. 6 milion! Çfarë do me thënë? Dalin ca patriotë që vendosin të ndihmojnë PS dhe japin 6 milion? Blendi Klosi firmos po unë nuk kam lidhje? Ajo kontratë do të jetë një bumerang i madh jo vetëm këtu por edhe në SHBA. Politikisht them se ligjërisht nuk e di. Në Shqipëri, ligjërisht ajo është 100% e paligjshme. Ti nuk ke të drejtë të marrësh donacione përtej një shume të përcaktuar,” tha Rama.
