LAÇ- Arma me të cilën autori plagosi 5 persona në Laç është gjetur nga efektivët e policisë. Arma ishte hedhur pak larg vendit të plagosjes, pranë një pellgu me ujë dhe një skele pallati në ndërtim.
Ndërkohë autori i ngjarjes, tashmë i identifikuar nga policia vijon të jetë në kërkim. Pak më herët në fshatin Balldre u gjet dhe një automjet i djegur, dyshohet i autorit.
Ngjarja ka ndodhur sot pranë ish-Gjykatës së Kurbinit, ndërsa dyshohet se gjithçka ka nisur nga një konflikt i çastit midis disa personave. Të plagosur kanë mbetur Amarildo Ndoj, Liridon Ismaili, Daniel Gjeloshi, Geri Bitri dhe Angjelina Gjezaj. Kjo e fundit po shiste qirinj anës rrugës në momentin e plagosjes.
Pesë personat e plagosur janë dërguar për ndihmë mjekësore më të specializuar në spitalin e Traumës në Tiranë, ndërsa një prej tyre është në gjendje të rëndë shëndetësore. Lidhur me ngjarjen, deri më tani janë shoqëruar në polici disa persona.
Galeria fotografike (
1 / 4
)
