Paqsor Buzi dhe Gëzim Dani i G.P.G COMPANY sfidojnë vendimin që shpalli fitues kompaninë Llazo për rikonstruksionin ne Spitalin Lushnjes duke e çuar çështjen në Komisionin e Prokurimit Publik. Procedura që favorizoi Llazon ngre dyshime për paracaktim dhe mungesë transparence.
Procedura e tenderit për rikonstruksionin e Spitalit të Lushnjes, me një vlerë prej rreth 2.5 milionë euro, po përballet me kontestime serioze, shkruan skyweb.al.
Kompania G.P.G Company, në pronësi të Paqdor Buzitdhe Gezim Danit, ka paraqitur një ankesë pranë Komisionit të Prokurimit Publik (KPP), duke kërkuar rishikimin e vendimit të Operatorit të Blerjeve të Përqendruara (OBP), i cili shpalli fitues bashkimin e operatorëve Llazo shpk dhe METEO.
OBP skualifikoi 11 nga 12 firmat pjesëmarrëse në garë, duke ia dhënë tenderin kompanisë “Llazo” nga fshati Bishqethem, një kompani që kohët e fundit është favorizuar në disa procedura publike ndërtimi, brenda dhe jashtë qytetit të Lushnjes, raportoi më herët Voxnews.
Në këtë tender konkuruan kompani të njohura të sektorit të ndërtimit si AIDA, PEPA GROUP, COLUMBO, AGI KONS, ALB TIEFBAU, ED KONSTRUKSION, ULZA, ALBA KONSTRUKSION, si dhe vetë G.P.G COMPANYnë bashkëpunim me SENKA.
Në mënyrë të pazakontë, të gjitha ofertat janë skualifikuar, përfshirë ato me vlera dukshëm më të ulëta se fituesit, si oferta prej 244 milionë lekësh nga G.P.G. Company ose 243 milionë lekësh nga Desaret Company, krahasuar me ofertën fituese prej 261 milionë lekësh të Llazo shpk.
Dyshimet janë shtuar nga fakti që, sipas burimeve të ndryshme, pas vëllezërve Aldi dhe Anea Llazi, që zotërojnë nga 50% të aksioneve të “Llazo shpk”, dyshohet se fshihen lidhje të forta politike në qarkun e Fierit dhe më gjerë në nivele të larta të qeverisë.
Në këtë tender, kompania fituese do të kryejë 89% të punimeve, ndërsa pjesa tjetër do të realizohet nga METEO nga Elbasani, ndërkohë që mbështetës teknik është firma IMPACT nga Tirana.
Kjo situatë ka ngritur dyshime serioze për paracaktim të fituesit dhe mungesë konkurrence të ndershme./skyweb.al
